CLÁSICAS DEL JOAN MIRÓ

Fratres pugnantes II

Tum Marcus ventrem Quinti pugno pulsat: Quintus stare non potest sed cadens pedes Marci capit eumque ad terram iacit. Neque pueri in terra iacentes pugnare desinunt. Uterque clamat, dum alter alterum pulsat. Aemilia clamorem audiens accurrit. Mater filios pugnantes videt et voce severa: “desinite, pueri!”-inquit-“hoc satis est. Surgite!”. Filii matri non parent neque pugnare desinunt. Tum mater irata virgam quae in terra iacet sumit atque filios verberat.